Franco de Tallowcz Banus Zewriniensis prouidis Judicibus et ceteris hospitibus in Apati et.. rnath constitutis nobis dilectis Salutem cum dileccione. Quia accidente casu quidam de vestris cohospitibus per vos huc exercitualiter dimissis quendam de nostris clientibus minus iuste mutilarunt, cuius mutilacionem nullatenus simpliciter pertransire volentes commisimus Nobili Petro officiali nostro de dicta Apati, ut ipse de talibus qui dictum nostrum clientem et katanam mutilarunt quique ipsum societate tenuerunt, exquirat, de ipsiusque mutilati sanguine debitam et omnimodam recipiat et exequatur Justicie satisfaccionem ab ipsis mutilatoribus. Idcirco volumus et vestris Dominacionibus firmiter committimus, quatenus execucionem premissi facti modo previo dicto Petro nostro officiali de Apati fieri commissi in omnibus obedire et obtemperare, quosque de ipsis vestris consociis facto in premisso repierierit reos et societatem tenuisse, de talibus omnimodum Justicie complementum de sanguine et mutilacione dicti nostri clientis et katane dicto Petro recipere permittatis et aliud nullomodo facere ausuri in premissis. Datum in Kewi feria secunda proxima post festum beate Lucie virginis Anno domini M° CCCC° XXXVIto.
A szöveg alatt zöld viaszba nyomott gyűrű-pecsét maradványaival; eredetije Lapispatakon, a Keczer cs. ltárában. Közli: Boynychich Iván.