Nos Nicolaus Konth regni Hungarie palatinus et iudex cumanorum damus pro memoria, quod in congregacione nostra generali universitati nobilium comitatuum Abbawyvariensis et de Sarus feria secunda proxima post festum omnium sanctorum in civitate Cassa celebrata, Johannes filius Wz Akus et Kolen filii eiusdem de sancto Georgyo de medio universorum consurgendo universos vicinos et conmetaneos possessionis eorum Puklen vocate a fructuum et quarumlibet utilitatuum eiusdem percepcione et specialiter Petrum filium Chana de Ruskuan, Thomam, Pech, Dominicum et Konya, Demetrium, Kene et Palcha filios Chank, ac quouismodo se in eandem intromissione et sibi perpetuari faccione prohibuerunt contradicendo et contradixerunt inhibendo publice et manifeste coram nobis. In cuius prohibicionis testimonium presentes litteras nostras eisdem nobilibus de sancto Georgio duximus concedendas communi iusticia svadente. Datum sexto die congregacionis nostre predicte, in loco memorato, anno domini M^mo ccc^mo sexagesimo.

Papíron, hátán kerek pecsét nyomaival; eredetije Lapispatakon, a Keczer cs. ltárában. Közli: Szádeczky Lajos.