Capitulum ecclesie Waradiensis Omnibus xpi fidelibus presencium noticiam habituris salutem in omnium saluatore, ad vniuersorum noticiam harum serie volumus peruenire. Quod comes Hunt filius Felicianus de Mathey ad nostram accedens presenciam personaliter dixit, quod cum ipse virilis (careret) heredis solacio nec haberet alios quos tam intime et tam legitime suorum bonorum constitueret heredes, dominam Elizabeth filiam Emuk vxorem suam et duas filias suas Amfolys videlicet vxorem Thome fily Siluestri et dominam Bung iuniorem filiam suam vxorem scilicet Ernerici fily Pangracy de Mycula et earum heredes natos et nascituros in possessionibus suis hereditarys scilicet in duabus villis Mathey, Eyeg, Gurho et Kopus ac in villa Beseneu empticia sua constituit suos heredes et legitimos possessores, ipsam videlicet dominam vxorem suam pro dote sua scilicet quinquaginta marcis et pro rebus paraffernalibus facientibus sexaginta marcas, filias ast suas predictas pro quarta sua et viginti marcis, quas ab eisdem tempore necessitatis mutuasse est confessus; de qua quidem terra Mathey habente ecclesiam in honorem beati Michaelis archangeli, porcionem ad usum duorum aratrorom sufficientem, Michaeli et Ladizlao filys Nicolai, filys sororys sue, racione quarte matris eorum dedisse est confessus, hoc expresso, quod ipse comes Hunt predictas possessiones possidebit et tenebit, sicut hactenus, quoad uiuet; ipso autem sine herede decedente predicte domine et earum heredes cum omnibus vtilitatibus et pertinencys suis possidebunt. In cuius rei memoriam firmitatemque perpetuam presentes concessimus litteras Sigilli nostri munimine roboratas. Datum in festo beati Regis ladizlai, Anno domini M° CCCmo tercio. Demetrio preposito, Ivanka lectore, Chanadino Cantore, Martino Custode existentibus.
Ugyancsak a váradi káptalannak I. Lajos király parancsára 1372-ben „in festo exaltacionis scte Crucis” „Ladizlao filio Egidy fily Emerici et Stephano filio Johannis fily eiusdem Emerici do Mathey” számára kiadott átiratából, melynek eredetijét Lugosi József bírja. Közli: Géresi Kálmán.