Stephanus Dei gracia Hungarie, Dalmacie, Croacie, Rame, Gallicie, Lodomerie, Cumanie Bulgarieque Rex omnibus presens scriptum inspecturis salutem in omnium saluatore. Ad vniuersorum noticiam tenore presencium volumus peruenire, quod Newer, Buda, Ordirad, Raschoh, Radila et Damaslou de villa Vetislou ad nostram accedentes presenciam exhibuerunt nobis priuilegium Bele Regis inclite recordacionis karissimi patris nostri super libertate eorum eis concessum, petentes instanter, vt id ratificare, et nostro dignaremur priuilegio confirmare. Cuius quidem tenor talis est:
Bela Dei gracia Hungarie stb. Rex stb. (következik IV. Béla királynak 1243-ki szabadalma, mint Okmánytárunk VII. vagyis a második folyam II. kötetében 135. l.)
Nos itaque priuilegium eiusdem karissimi patris nostri ratum habentes et acceptum, ad instanciam et suplicacionem predictorum jobagionum Castri auctoritate presencium duximus confirmandum, duplicis sigilli nostri munimine roborando. Datum per manus Magistri Benedicti Orodiensis Prepositi aule nostre Vice Cancellarij, dilecti et fidelis nostri anno Domini MşCCş septuagesimo secundo, Regni autem nostri anno secundo. Venerabilibus patribus Phylippo Strigoniensi, Stephano Colocensi aule nostre Cancellario, et Johanne Spalatensi Archiepiscopis; Lamperto Agriensi, 53Briccio Chanadiensi, Job Quinqueecclesiensi, Phylippo Waciensi, Thymoteo Zagrabiensi, Lodomerio Waradiensi, Dyonisio Jauriensi, et Petro Transyluano Episcopis Ecclesias Dei feliciter gubernantibus. Moys Palatino Comite Supruniensi Judice Cumanorum; Nycolao Judice Curie nostre Comite Symygiensi, Egidio Magistro Tawarnicorum Comite Posoniensi, Joachyno Bano tocius Sclauonie, Matheo Wayuoda Transyluano Comite de Zounuk, Laurencio Bano de Zeurino Comite de Doboka, Petro Magistro Dapiferorum comite de Gwechke, Alberto Magistro Agasonum Comite de Scybinio, Phylippo Magistro Pincernarum nostrorum, Paulo Bano Comite Bachiensi, Gregorio Magistro Tawarnicorum domine Regine Comite Castri Ferrei, Ponich Bano Comite Zaladiensi, Mychaele Comite Nitriensi, et alijs quam pluribus Comitatus Regni nostri tenentibus et honores.
(Eredetie bőrhártyán, a függő pecsét elveszett; a méltóságos báró Mednyánszky család beczkói levéltárában.)