Bachiensis Ecelesie Capitulum vninersis Christi fidelibus presentem paginam inspecturis in uero salutari salutem. Notum sit omnibus tam presentibus quam futuris, quod accedentes ad nostram presenciam Peturka filius Petkv cum fratre suo Petkv ex una parte; Andreas procurator Gregorij filij Thome Bani ex altera; retulit dictus Peturka, quod de terra sua hereditaria nomine Fizeg partem suam, que ad ipsius porcionem pertinebat, quam scilicet terram quedam aqua nomine Nodalos diuidit, uendidisset predicto Gregorio pro quindecim marcis argenti, et summam pecunie in presencia nostri ad plenum confessus est se habere; ita uidelicet, quod medietas illius aque pertinet ad Petkv, et pars ad Gregorium Comitem cedit in modum mete; ita eciam, quod exinde tendit ad Semekfiv, et ibi conterminantur mete illius terre. Preterea idem Petkv obligauit se per se, et uerus procurator pro suis fratribus sic, quod si aliquis ex suis fratribus ausu temerario iam dicte uendicioni contraire presumeret, ipse contradictorie respondere teneretur. Vt igitur huius uendicionis series in retroactis temporibus per posteros nequeat uiolari, ad ipsorum peticionem presentem concessimus paginam sigilli nostri munimine roboratam. Anno gracie M°CC°XXXX°IIII° Preposito vacante, Andrea Lectore, Symone Cantore, Archidiacono Bachiensa vacente, Andrea Archidiacono Syrmiensi, Adriano Custode, Antonio Segediensi, Micola Decano, ceterisque Canonicis Deo feliciter ministrantibus.

(Eredetie bőrhártyán, közönséges kenderzsinóron függő pecsét alatt; a budai kir. kamarai levéltárban.)