In nomine Sancte Trinitatis et Indiuidue Unitatis. Andreas Dei gratia Hungarie, Dalmatie, Croatie, Rame, Galitie, Lodomerieque Rex in perpetuum. Sancta et salubris est deuotio, Deo seruientibus manus karitatis elargiri, de quibus pie confiditur, quod eorum orationibus assiduis ira Summi Judicis misericorditer flectitur, et celestis aula janua clementer aperitur. Inda est, quod nos pro remedio anime nostre fratribus Sancti Sepulcri terram non habitatam, que Frigidus Fons uocatur, et Mediasmaiele, et siluam que circumdatur riuulis, in perpetuum contulimus possidendas. Primus riuulus Cumluspotoc dicitur, et uadit ad riuulum, qui dicitur Chuespotoc; inde ad fluuium Recdenic nomine, qui descendit in flunium Tople; item a capite Cumluspotok, qui transit per medium campum, et descendit in riuulum Cepesen, circumdat montem Mediasmaiele; et inde procedit in Tople. In possessionem uero huius terre per fidelem nostrum Nicolaum Banum tunc Comitem Noui Castri fratres predicte Domus Sancti Sepulcri legittime fecimus introduci. Preterea fratribus eiusdem Domus talem concessimus libertatem, ut nullus in Regno nostro Comes uel Judex constitutus a populo iam dicta Domus denarios liberos, pondera, decimas porcorum, et maxime illos denarios, qui colliguntur in tribus festis, videlicet in Natiuitete Domini, in Pasca, et festo Sancti Regis, a iam dicto populo Domus exigat; nam fratribus eiusdem totaliter remisimus. Insuper firmiter precipimus, vt nullas Comitum uel Judicum supradictum populum iudicare presumpmat; omne enim iudicium Magistro predicte Domus dimisimus; in siluam et terram et aquam piscatoriam et non piscatoriam, ut Comes Nicolaus de Nono Castro per fidelem hominem suum Laurencium nomine supradictis fratribus assignauit, nullus intrare uel piscari uel uenacionem exercere presumat; ab jobagionibus eorum nullum tributum aliquis tributariorum in foris uel in portibus exposcat; volumusque Deo pacefice seruiant. Si quis uero contra preceptum nostrum populum uel fratres sepedicte Domus fatigare uel indebite molestare presumpserit, Regiam grauiter indignacionem se nouerit incursurum. Vt autem hec a nobis facta donatio perpetue firmitatis robur obtineat; presentem paginam supradictis fratribus concessimus sigilli nostri testimonio roboratam. Datum per manus Magistri Thome aule Regie Cancellarij et Cybiniensis et Vesprimiensis Prepositi anno ab Incarnacione Domini M°CC°XII°. Venerabili Johanne Strigoniensi Archiepiscopo, Reuerendo Bertoldo Colocensi Archiepiscopo et Woiuoda existentibus, Calano Quinqueecclesiensi, Cathapano Agriensi, Symone Waradiensi, Desiderio Chenadiensi, Willermo Transsiluano, Roberto Vesprimiensi Ecclesias feliciter gubernantibus. Banc Palatino et Keweiensi Comite, Michaele Bano existentibus; Jvla Bachiensi et Curiali Comite, Andrea Budrigiensi, Micha Bichoriensi, Nicolao Posoniensi Comitibus; Regni nostri anno octavo.
(Eredetie bőrhártyán, melynek pecsétje elveszett, a budai kir. kamarai levéltárban. Ugyanott találtatik ezen okmánynak az egri káptalan által 1337. »Georgius, Petrus et Paulus filij Magistri Johannis filij Georgii de Somos pro se, et pro eodem Magistro Johanne patre ipsorum, item pro Ladizlao, Nicolao, Johanne et Iwanka fratribus ipsorum« történt előterjesztésére készített átirata.)