Nos Comes Micahel significamus omnibus presens inspicientibus, quod cum karissimo fratre nostro Comite Lancereto tale fecimus concambium, quod nos dedimus eidem quatuor terras Comor sub una meta constitutas, et duas terras Welyka eciam sub una meta existentes, quas onmes a Jurkone filio Ochuz Bani nostro genero eciam pro concambio optinueramus, cum eodem priuilegio Capituli Zagrabiensis, quo easdem terras tenebamus; et terram Pyancove, ac terram Bykenc iure perpetuo possidendas ita, ut saluo in filios filiorum perpetuitatis priuilegio de terris supradictis debeat gratulari. 448Hac eciam obligacione interiecta, quod si per aliquam questionem de terris iam nominatis amitti contingeret, tantum de alia terra nostra vbicunque ex ista parte Drawa preter castrum nostram habebimus, tenemur eidem sine lite restaurare. Quibus possessionibus si peccatis exigentibus carrere debemus; nichilominus de terra nostra propria, vbicunque nobis remaneret, tantam et equalem; iuxta sentenciam uenerabilium uirorum, uidelicet Abbatum de Simigio et Zaladia, eidem Comiti L. statuere tenebimur, preter castrum nostram supradictam. Verum eciam, si nos mori contingat, et ipsa causa questionis tempore filij nostri forsitan suscitabitur, ipse filius noster propter infanciam causam non debet prorogare, sed subplebit composicionem antedictam, sicut in litteris Andree tunc Comitis Warosdiensis continetur, qui inter nos ex speciali mandato Bele domini nostri Illustris Regis Ungarie super ipso concambio extitit ordinatum. Anno Domini Mş CCş quinquagesimo sexto.

(Eredetie bőrhártyán, a pecsét elveszett, a budai kir. kamarai levéltárban.)