Nos Magister Laurencius Judex Curie domini Regis et Comes Zaladiensis, damus pro memoria significantes vniuersis, quod Sebastianus Comes, Petrus, Nicolaus Comes, Salomon ac Woywoda fili (így) Nicolai Bani, constituti personaliter coram nobis, conposicionaliter ad robur perpetue pacis talem perpetrarunt in possessionibus eorum diuisionem, quam diuisionem ex consensu fratrum Comes Sebastianus et Petrus ordinarunt. Ita videlicet, quod ab una parte uillam Neuprit uocatam, uillam Draguan, fundum Bon, uillam Saag cum ecclesia et molendino, et cum - - - centum marcis constructa et estimata, Gradiscam quandam possessionem cum portu, uillam Borcek, uillam Bozun, possessionem Ebrus uocatam, cum silua sua nomine Lippo, cum pisscina, cuius prouentus usque reuolucionem anni quinquaginta marcis est estimatus, quas numeratas possessiones pro tribus partibus ipsarum suarum possessionum diuidendarum diuidendo ordinarunt. Item ab alia parte uillam Bakdassa possessionem Kustan nomine, possessionem Toti uacatam, et possessionem Tarnuk uocatam, cuius suo Monasterio (így) pro duabus partibus suarum possessionum diuidendo ordinarunt. Itaque facta coram nobis tali diuisione inter partes, Nicolaus, Salomon et Woyuoda, primo nominatas et numeratas possessiones pro tribus partibus possessionum diuisarum spontanea uoluntate eligendo receperunt. Item secundo numeratas possessioues pro duabus partibus diuisarum possessionum Sebastianus et Petrus in suam porcionem acceptarunt. Ne igitur in procesu temporis series et factum huins diuisionis possit cassari seu deprauari, ex peticione parcium ad robur et firmitudinem perpetuam huiuscemodi diuisionis litteras concessimus munimine nostri sigilli roboratas. Datum in Aranas in vigilia Strennarum anno Domini millesimo ducentesinio quinquagesimo sexto.

(Az eredeti után Ráth Károly, Hazai Okmánytár IV. köt. 36. l.)