Cazmerius Prepositus Vesprimiensis, Arnoldus Comes Zaladiensis, Rednaldus, Trepk, Marcus, Luchas et Vitalis Comites vniuersis presens scriptum inspecturis salutem in Domino. Ad vniuersorum noticiam uolumus peruenire, quod cum nos a domino Bela Illustri Rege in Comitatu Zaladiensi super terris castrensium vduornicorum Regis, populorum Regine, seruientum Regis, Ecclesiarum et aliarum diuersarum condicionum iudices et inquisitores ueritatis essemus constituti, sciuimus in ueritate, quod Comes Hoholdus habet terram iustam et legitimam empticiam a filijs Bagya, Johanne scilicet et Jacobo, ad duo aratra sufficientem, inter terram Chybyt iobagionis castri, et terram ville noue curie Cruciferorum Dontus Hospitalis iacentem; agnitaque plena ueritate terram eandem dicto Comiti Hoholdo, et postea suis successoribus perpetuo ac pacifice possidendam permisimus, nullo mediante et contradicente. Ne igitur labente tempore factum tale possit in irritum reuocari, nostras eidem H. Comiti litteras concessimus, sigilli nostri munimine roboratas. Anno gracie Mş CCş XXXş VIş.

(Eredetie bőrhártyán, melyről 7 pecsét hártyazsinegen függött, de ezek közt csak az első, a prépost-é megvan még, a budai kir. kamarai levéltárban.)