Capitulum Ecclesie Waradiensis omnibus Christi fidelibus, presens inspecturis salutem et benediccionem. Quum justa petentibus assensus denegari nequeat, et quod in tempore fit, id litterarum testimoniis humane eripi debeat oblivioni, ne quod male factum, in tempore per abusum justum evadat et stabile. Hinc ad uniuersorum noticiam volumus pervenire, quod universi inhabitatores et possessores ville Zovan in Comitatu de Karazna existentis, medio honorabilis et discreti viri domini Archidiaconi de Thasnad eam nobis significaverunt querelam, quod licet monachi claustri in eadem villa ex eleemozyna Jacobi olim de Kwsal, ante seculum fere exstructi, et abhinc pia et libera ipsorum inhabitatorum eleemozyna sustenti, nullum aliud in ipsam villam et ejusdem inhabitatores habuerint ab antea et semper jus, quam sacra Christi fidelibus administrandi, ne populus in tanta itineris distancia, absque ulla plane spirituali et quotidiana sacrorum consolacione remaneret; ipsi tamem, nescitur quo inducti consilio, aut interdicto, omnes alios sacerdotes ex cadem villa exesse debere pretendant, et honorabilem fratrem Gregorium presbyterum Ecclesie Waradiensis, festiva sacra predicare populo intendentem, ab ipsa Ecclesia cum non levi Sacrosancte Ecclesie scandalo, et in obversum edictorum Episcopalium excluserint, asserentes, se privilegium habere a domino Papa super jurisdiccione plane Diocesana seu Episcopali eorundem in dictam villam exclusive concessa Quum autem ipsi inhabitatores de tali concessione nihil prorsus sciant, nec honorabili viro domino Archidiacono de Thasnad quidquam de eo constet, hinc idem nomine suo, et universorum inhabitatorum dicte ville protestando contradixit, 258et contradicendo protestatus est eousque eciam, donec differencia hec coram venerabili in Christo patre et domino Johanne, Dei et Apostolice Sedis gracia Archiepiscopo Ecclesie Colocensis, et Regie Serenitatis Cancellarii, aliisque dominis Prelatis revisa et decisa fuerit. Harum nostrarum vigore et testimonio litterarum mediante. Datum feria quarta proxima post festum Beati Michaelis Archangeli, anno Domini millesimo trecentesimo. Presente venerabili viro domino Stephano Archidiacono Albensis Ecclesie.
(Teutseh és Firnhaber, id. m. I. k. 321. l.)