Viris nobilibus Comiti Petro Vice-judici magistri Ivance Comitis Symigiensis et quatuor Judicibus Nobilium eiusdem Comitatus, Conuentus Monasterij Sancti Egidij de Symigio debitum amicicie et honoris. Litteras uestre nobilitatis recepimus in hec uerba:

Amicis eorum karissimis, Conuentui Symigiensi, Comes Petrus Vice-judex magistri Iwance Comitis Symigiensis et quatuor Judices Nobilium eiusdem Comitatus amiciciam 235et honorem. Noueritis, quod cum secundum continenciam litterarum uestrarum nobis transmissarum, sabbato uidelicet in octauis Assumpcionis Virginis Gloriose possessionem Ladizlai filii Iwance, Oberth uocatam, cum suis utilitatibus vniuersis Jacobus frater dicti Ladizlai et alij viciny et commetanei eiusdem a Michaele filio Deuecher aduersario suo in tercia parte, a nobis autem ut a judicibus in duabus partibus, scilicet in decem marcis, prout per estimaciones presentibus hominibus nostris coram uestro testimonio estimasse comperimus, redimere debuissent, uel relinquere nobis ut judicibus, et aduersario suo possidendam; adueniente termino Michael filius Deuecher, aduersarius dicti Ladizlai, comparuit ad recipiendam pecuniam porcionem suam contingentem; similiter Jacobus frater dicti Ladizlai uenit et dixit, quod non posset redimere possessionem fratris sui memoratam, vicini autem et commetanei eiusdem Ladizlai, et specialiter magister Jharu, qui personaliter comparendo, redimere porcionem, que ipsum contingeret, assumpserat, sicut in prioribus litteris uestris comperimus, non uenerit, nec miserit ad redempcionem faciendam. Quare a uobis petimus diligenter, quatenus cum Nicolao filio Petke de Gyog homine nostro, vestrum mittatis testimonium, coram quo idem homo noster predictam possessionem Ladizlai cum suis vtilitatibus vniuersis in duabus partibus nobis ut judicibus, in tercia uero parte predicto Michaeli suo aduersario statuant possidendam, salua porcione dicti Jacobi remanente, contradiccione aliquorum non obstante; post hoc facti seriem, qualitatem et quantitatem, nobis nostri gracia rescribatis. Datum in crastino octauarum Assumpcionis Beate Virginis, anno Domini Mş CCş nonagesimo nono.

Nos uero peticionibus uestris satisfacere cupientes, ut debemus, cum predicto homine vestro nostrum misimus hominem pro testimonio, qui postmodum una cum eodem ad nos rediens nobis recitauit, quod idem in sui presencia accedendo ad faciem possessionis predicti Ladizlai, duas partes eiusdem possessionis uobis ut judicibus, terciam uero partem predicto Micheili (így) aduersario eiusdem, cum omnibus utilitatibus suis, videlicet terris fimatis, campestribus, siluis, et fenetis statuisset possidendam iuxta uestram peticionem 236et mandatum Datum Sabbato post quindenam Assumpcionis Beate Virginis anno Domini Mş CCş nonagesimo nono.

Jegyzet. Bőrhártyára írott zártlevél, melynek hátirata ez: „Pro Michaele filio Deuecher super reambulacione terre Ladislai filij Iwanka coram Petro et quatuor Judicibus.” Másolta Horvát István a Kapos-Mérei Mérey László példányából. Érdy.)