Nos Capitulum Ecclesie Waciensis damus pro memoria; quod cum secundum formam litterarum Comitis Stephani Vice-Judicis Curie domini Regis, Nicolaus et Johannes filij Comitis Byter, vna cum Dyonisio Magno filio Jurk, et altero Dyonisio filio Tiburcij de Palasth, presentibus Jurk filio Stephani de Zalathna, quem filij predicti Comitis Byter adducent, et Andrea filio Arwa, quem Demetrius filius Farkasij, et Mochk frater suus, Petrus, Nicolaus et Georgius filij Perse adducere debebant, coram duobus nostris testimonijs, per partes adductis, feria sexta proxima post octauas Natiuitatis Sancti Johannis Baptiste contra predictos filios Farkasij et filios Perse super quinque partibus seu porcionibus terre de terra Tema, nomine iuris ipsorum hereditarij iurare, sicut mos est iurare super terra, recipiendo terram ad manus et ponendo super capita sua, debuissent, ipso termino adueniente, partibus super facie ipsius quinque porcionibus terre de Tema conparentibus, sicut ijdem homines domini Regis, Beke et Laurencius clerici chori nostri per partes adducti, ad nos reuersi, presentibus Hermanno filio Heym, officiali dictorum filiorum Comitis Byter, pro eisdem dominis suis cum procuratoriis litteris nostris, et Demetrio filio Farkasij tam pro se, quam pro Mochk fratre suo, Petro, Nicolao et Georgio filijs Perse, similiter cum litteris nostris procuratoriis, nobis dixerunt, quod super ipso iuramento taliter concordassent: vt pretermisso iuramento dictorum filiorum Comitis Byter, ijdem filij Comitis Byter, Nicolaus scilicet et Johannes, assumpserunt soluere dictis filijs Farkasij, et filijs Perse, ex quibus et pro quibus dictus Demetrius conparuit, ut premissum, pro ipsis quinque porcionibus terre de Tema nouem 232marcas partim in argento communi, partim iu estimacione nobili seu condigna, in duobus terminis coram nobis; videlicet quatuor marcas et dimidiam soluent in octauis Sancti Jacobi nunc venturis, judicium incursuri si non soluerint ipso die, residuas autem quatuor marcas et dimidiam dabunt in festo Sancti Regis proximius, cum duplo si pretermiserint ipsum diem; judicem et pristaldum partes placare assumpserunt de omni, et facta totali solucione dicti filij Farkasij et filij Perse de parte eorum et heredum suorum, tum priuilegium emanari facere tenentur super perpetuacione ipsis quinque porcionibus, filijs Comitis Byter supradictis. Datum secundo die quindenarum Sancti Johannis Baptiste anno Domini Mş. CCş. nonagesimo nono.
Jegyzet. Bőrhártyán kelt zárt levél, pecséte eltűnt. Hátirata ez: pro filijs comitis Byter, contra filios Farkasij et filios Perse super nouem marcis super terra Tema. A kékkői levéltárban: Fasc. 1. Nro. 1. Érdy.