Andreas Dei gracia Hungarie, Daimacie, Croacie, Rame, Seruie, Gallicie, Lodomerie, Cumanie, Bulgarieque Rex, omnibus Christi fidelibus tam presentibus quam futuris noticiam presencium habituris salutem in Domino sempiternam. Ad uniuersorum noticiam harum serie volumus pervenire, quod cum cives seu hospites nostri de Suprunio propter guerram Regni nostri intrinsecam et discrimina viarum a multis retrolapsis temporibus pro acquirendo commodo ipsorum et victu per ambitum Regni nostri procedere pro mercimonijs ipsorum contrahendis more antiquitus consueto nequiuerint, et ob hoc iidem hospites nostri rebus temporalibus destituti sint et oppressi paupertate; nos ex officii nostri debito releuamini dictorum hospitum nostrorum ex Regia benignitate cupientes prouidere, ut ipsorum inopie consulatur, hanc eisdem hospitibus nostris de Suprunio graciam specialem duximus 173faciendam, ut iidem hospites et quilibet ex ipsis ab omni solucione tributi, sicut cives Albenses et Budenses, per tocius Regni nostri climata, tam super aquam Danubij et aliis fluviis in Regno nostro existentibus, in descendendo aut ascendendo, quam super terram liberi et immunes penitus sint et exempti; volentes et auctoritate presencium uniuersis tributariis in quovis loco tributi in Regno nostro constitutis sub amissione rerum et tributi firmiter imponentes, vt de rebus dictorum hospitum nostrorum de Suprunio vel quorumlibet ex ipsis, aut mercibus eorundem, contra formam gracie eis per nos facte nullum tributum recipere audeant vel presumpmant, sed eis et cuilibet ex ipsis cum rebus et mercibus eorum liberum transitum prebeant et securum, materia impedimenti, molestie aut nocumenti non obstante. Si qui vero contrarium huic nostre ordinacioni et gracie facte attemptauerint, indignacionem nostram se senciant grauiter incursuros. In cuius rei memoriam et perpetuam firmitatem presentes concessimus litteras duplicis sigilli nostri munimine roboratas. Datum per manus discreti viri magistri Gregorii Albensis Ecclesie Electi, dilecti et fidelis nostri, anno Domini Mş CCş nonagesimo septimo, quindecimo kalendas Novembris, Regni autem nostri octauo.
(Eredetie Soprony város levéltárában.)