Nos frater Renoldus Diuina miseracione Abbas et Conuentus Monasterii Beati Aniani de Thykon damus pro memoria, quod Nicolaus filius Zabow de Vesprimio, astante sibi Paulo fratre suo, et subscripte uendicioni sue non contradicente, imo eandem permittente cum consensu pleniori, coram nobis personaliter constitutus fundum suum cum omnibus edificiis ac aliis vtilitatibus suis, duo jugera terrarum in se continentem, fundis Mathey aurifabri ab aquilone, et Benedicti sutoris filii Beke a meridie vicinatis videlicet mediatum, qui inter duas vias existit, ut dicebat, quarum vna a loco fori descendit a parte septemtrionali uersus puteum Kama, alia uero ascendit in campum a parte meridionali per monticulum, retulit se uendidisse Reuerendo Capitulo Vesprimiensis Ecclesie pro una marca plenarie recepta ab eodem, in perpetuum pacifice et quiete ac irreuocabiliter possidendum. Datum in festo Beati Vrbani Pape anno Domini Mş CCş nonagesimo quinto.

(Eredetie a veszprémi káptalan levéltárában.)