In Christi nomine Amen. Anno Incarnacionis eius millesimo ducentesimo nonagesimo quarto Indiccione VII. die Veneris IX. intrante Aprili. Nobilis vir dominus Mattheus Lucii civis Tragurii, syndicus, actor et procurator nobilis viri domini Philipuzii Rogerii de Todinis civis Ancone, Potestatis, Consilii et Communis Tragurii ad infrascripta specialiter constitutus, ut continetur in inetrumento dicti syndicatus facto anno Dominica a Nativitate millesimo ducentesimo nonagesimo quarto Indiccione VII., die Jovis kalendis Aprilis, et scripto per manum Sirocti Petri de Ancona, Imperiali anctoritate et nunc Communis Tragurii Jurati Notarii, a me Antonio Jadice et Notario infrascripto viso et lecto, nomine et vice dicti Potestatis, Consilii et Communis Tragurii, et pro ipsis omnibus fidejubendo, et se pro nobili viro domino Comite Georgio Berberiensi tam suo nomine, et suorum hominum, quam nomine Communis et hominum Almisii principaliter obligando in libris et pro libris trium millium denariorum Venetorum parvorum; dominus Marinus Dorbnic Judex Civis Sybenicensis, syndicus, procurator et actor Egregii viri domini Georgii Jurisig de Berteris, Potestatis Sybenicensis, Milobrati Drugozai, Elie Dragovani, Marse Gregorii et Marini Drobine Judicum dicte terre Sybenicensis ad infrascripta specialiter constitutus, ut continetur in instrumento dicti Syndicatus facto anno Dominice Nativitatis millesimo ducentesimo nonagesimo quarto Indiccione VII., die Jovis VIII. intrante Aprili, et scripto per manum Vincencii Diuiazi Sybenicensis Jurati Notarii, a me Antonio Judice et Notario infrascripto viso et lecto, nomine et vice dictorum domini Potestatis, Judicum et Consilii et Communis Sybenicensis, et pro ipsis omnibus fidejubendo, et se pro dicto Comite Georgio principaliter obligando in libris et pro libris quinque millibus denariorum Venetorum parvorum; dominus Lubacius Judex, Civis Scardonensis, syndicus, procurator et actor dominorum Pribim Bosani, et Bererislai Judicum Consilii et Communis Civitatis Scardonensis ad infrascripta specialiter constitutus, ut continetur in instrumento dicti syndicatus facto anno Dominice Nativitatis millesimo ducentesimo nonagesimo quarto, Indiccione VII., die XXIX. Macrii; et quia Notario carebant, erat dictum instrumentum syndicatus cum quodam sigillo dicti Communis Scardonensis cereo pendenti roboratum, quod quidem sigillum erat rotundum, integrum, non fractum vel in sui parte aliqua viciatum, iu quo quidem sigillo erat scripta imago Beate Marie Virginis sedentis, et ad sinistrum latus ejus tenentis filium suum in gremio et brachio, et littere circumcirca ad dictum sigillum sculpte sic dicentes: „S. Communis Scardonensis ”, a me Antonio Judice et Notario infrascripto viso et lecto nomine et vice dictorum Judicum, Consilii et Communis Scar donensis, et pro ipsis omnibus fidejubendo et se pro dicto Comite Georgio, ut supra dictum est, principaliter obligando in libris et pro libris mille quingentis denariorum Venetorum parvorum: Solempni stipulacione promiserunt, quilibet eorum se obligando, ut dictum est, se facturos et curaturos, omni excepcione et occasione remotis, quod dictus dominus Georgius Comes Berberiensis tam suo nomine, et suorum hominum, quam hominum et Communis Almisii firma et rata habebit et tenebit, observabit et adimplebit omnia et singula pacta et convenciones, facta, inita et firmata de treugua et super treugua Almisii per ipsum Comitem Georgium, ut supra dictum est, cum Egregio viro Rogerio Maureceno Jadrensi Comite recipienti et stipulanti vice et nomine Illustris domini Ducis Veneciarum, Communis et hominum Civitatis ejusdem, nec non et habitatorum, fidelium, subjectorum et districtualium suorum scriptas et scripta per me Antonium quondam Rolanduzii, Imperiali et prefectoria auctoritate Judicem et Notarium, anno et indiccione predictis, die Dominico XXVIII. Marcii, et eisdem syndicis et procuratoribus seriose singulariter et intelligibiliter coram infrascriptis testibus per me jam dictum Notarium lecta et lectas. Et non contrafaciet et veniet aliqua racione, ingenio sive causa de jure vel de facto sub penis predictis per eos et quemlibet eorum syndicorum superius expressis, solempni stipulacione promissa, et obligacione omnium bonorum dictorum suorum Communium et cujuslibet eorum pro quantitatibus supradictis mobilium et immobilium, presencium et futurorum. Acta et firmata fuerunt predicta in platea Communis Jadre presentibus nobilibus viris dominis Barchi Saladini, Lompredi Zevalell, Andrea de Cande, Damiano de Nasci, et Blasio de Sope, civibus Jadratinensibus, et aliis pluribus testibus ad hoc vocatis et rogatis.
Ego Antonius quondam Rolanduzii de Bononia Imperiali et Prefectoria auctoritate Judex et Notarius predictis omnibus interfui et ut supra legitur rogatus publice scripsi.
(U. o. III. köt. 70-72. ll.)