Omnibus Christi fidelibus tam presentibus quam futuris presens scriptum inspecturis Magister Ladislaus filius Comitis Thekus salutem in omnium saluatore. Ne gestis antiquitas valeat nouercari, et ea, que racionabiliter aguntur in tempore ne cum ipso tempore facilius elabantur, sollers hominum causa adinuenit testimonio scripturarum communiri. Proinde ad vniuersorum tam presencium quam futurorum noticiam harum serie volumus pervenire, quod nos consideratis meritoriis serviciis magistri Petri filii Theodori a primeuis puericie sue temporibus in diuersis casibus et causis nostris fideliter nobis exhibitis et devote, et specialiter morte Jacobi filii sororis sue et Thome cognati sui, quam in defendendo nos in quadam expedicione viriliter persoluerat, quandam particulam terre de terra nostra hereditaria Kerechen vocata abcisam, et bona voluntate et induccione Johannis filii nostri karissimi, et Lachk, Stephani, Dyonisii, Laurencii et Borandi filiorum magistri Stephani, ac Johannis filii magistri Dyonisii, et Thekus filii Bach fratrum nostrorum karissimorum, cum omnibus vtilitatibus suis et pertinenciis vniuersis, et specialiter cum loco turris in eadem particula terre existenti, dedimus, donauimus et contulimus eidem magistro Petro, et per eum suis heredibus, heredumque suorum successoribus iure hereditario pacifice et quiete ac irreuocabiliter possidendam pariter et habedam. Cujus quidem particule terre mete hoc ordine distinguuntur: Prima meta incipit a loco turris memorate, distinccione tendenti versus metas Forrou; deinde vertit ad partem meridionalem juxta terram filiorum Jacobi et fratrum suorum; et deinde vadit ad orientem versus terram Gochafelde; et ab inde tendit versus septemtrionem, item ad predictam terram magistri Ladizlai, et per pratum in eadem latitudine venit ad locum turris memoratum; et hoc ambitu seu circulo prefata particula terre terminatur. In cuius rei memoriam firmitatemque perpetuam presentes concessimus litteras, munimi ne nostri sigilli insignitas. Datum anno Domini Mş CCş nonagesimo quarto.
(Eredetie hártyán, melyről László mester pecséte zöldvörös zsinegen függ. Találtatik a sáros-pataki főiskola könyvtárának kéziratai közt.)