Vniuersis Christi fidelibus presentes litteras inspecturis Capitulum Ecclesie Posoniensis orationes in Domino. Ad universorum noticiam tenore presencium uolumus peruenire, quod constitutis personaliter coram nobis Benedicto filio Betheu, Egidio filio Jacobi pro se et pro Isiph et Jacobo filijs Johannis, cognatis suis, et Mathia filio Reun similiter pro se et pro Damiano Clerico fratre suo ab una parte, et Beck filio Murd de uilla Lipoldi, ab altera; idem Benedictus, Egidius et Mathias pro se et pro predictis cognatis suis confessi sunt oraculo uive vocis, quod ipsi quandam terram suam Turnus Chondol vocatam, ex donacione Regia progenitoribus suis olim collatam, et per consequens a Nicolao filio Jus cognato ipsorum ad eos deuolutam, in quatuor partes equales diuisissent, et quartam partem eiusdem terre Turnus Chondol cum omnibus utilitatibus suis, uidelicet ortis, fructibus, siluis, nemoribus, pratis, fenetis, piscinis, aquis, locis molendinorum, terris arabilibus et non arabilibus, pascuis pecorum, lapidibus, arundinibus et attinenciis suis uniuersis predicto Bock cognato ipsorum, et per eum suis heredibus, heredumqun suorum successoribus racione proximitatis et perpetue unionis habite inter ipsos assignassent, reliquissent, et tradidissent perpetuo et irreuocabiliter possidendam, obligando se, quod quicunque processu temporum ipsum Bock aut suam posteritatem pro ipsa quarta parte predicte terre Turnus Chondol uocate uellet inpetere vel vexare, extunc eundem Bock et suam posteritatem prefati Benedictus, Egidius et Mathias ac alij cognati eorundem tenebuntur expedire proprijs laboribus, et expensis. In cujus rei memoriam ad peticionem utriusque partis presentes nostras concessimus litteras sigilli nostri munimine roboratas. Anno Domini milesimo ducentesimo nonagesimo secundo, in Octava Cinerum.
A C D.
(Hártyán. Hártyazsinegen függ a pecsét töredéke. Pozsonykáptalani országos levéltár Capsa XIV. Fasc. 18. N. 12. és ugyan-e Capsa és Fasc. 11-dik száma. A második példány felűl levő A C D-vel, melyek egybeillenek jeleűl, hogy egyszerre írattak s az egyik példány a feleknek kiadatva idővel ismét e levéltárba kerűlt. Knauz.)