Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex vniuersis Christi fidelibus presentibus pariter et futuris presencium noticiam habituris salutem in eo, qui Regibus dat salutem. Licet creatura non habeat quid creatori ac reparatori eiusque gloriosissimis sanctis, quorum suffragiis creator creaturis largitur vniuersa, impendere valeat; ex condigno, debet tamen tota deuocione animi totaque puritate affectus laborare, vt eternorum intuitu in terris seminet, quod in die messionis extreme recolligens cum multiplicato fructu in celesti orreo possidere valeat et habere. Proinde ad vniuersorum noticiam harum serie volumus perneuire, quod cum Ecclesiam seu Monasterium Beati Mauricii de Beel, cuius intercessionibus nobis cuncta prospere suffragari sentimus, velimus merito Regali gracia, fauore et donatione amplexari, ob remedium anime nostre et spem future felicitatis quandam terram wduornicorum nostrorum Thoyon vocatam iuxta Balatinum in Comitatu Zaladiensi existentem, cum vduornicis nostris super eadem residentibus Boda videlicet, Zobou, Crachyno, Georgio, Sebastiano, Ladislao, Dominico, Scemeyno, Matthia et Petro cum suis heredibus heredumque suorum successoribus, quos quidem vduornicos dominus Rex Bela auus noster clare memorie de castrensibus castri Vesprimiensis in condicionem vduornicorum transtulerat, in eadem condicione qua predecessoribus nostris ijdem wduornici seruierunt, dedimus, donauimus et contulimus ipsi monasterio Beati Mauricii de Beel sub eisdem metis, terminis et limitibus, quibus ipsa terra Thoyon tempore ipsius Regis Bele per predictos wduornicos nostros Bodam, Zobou, Crachinum, Georgium, Gregorium (így), Sebastianum, Ladislaum, Dominicum, Scemeynum, Matthiam et Petrum habita, limitata fuerat et possessa, et eandem terram Thoyon cum omnibus vtilitatibus suis et pertinenciis vniuersis ac cum wduornicis nostris prenominatis, iam dicto monasterio nostro de Beel per magistrum Leurentham Comitem Vesprimiensem dilectum et fidelem nostrum fecimus assignari. Vt igitur huius nostre donacionis series robur obtineat perpetue firmitatis, nec processu temporum per quempiam successorum nostrorum valeat retractari vel in irritum aliquatenus reuocari, presentes eidem monasterio Sancti Mauricii concessimus litteras duplicis sigilli nostri munimine roboratas. Datum per manus venerabilis viri magistri Theodori Albensis Ecclesie Prepositi aule nostreViec-Cancellarii dilecti et fidelis nostri anno Domini Mş CCş nonagesimo secundo vndecimo kalendas Februarii Regni autem nostri anno secundo.

(Eredetie a sz. mártoni főapátság levéltárában.)