Excellentissimo domino suo, Andree dei gracia Illustri Regi Hungarie, Comes Dytricus castellanus de Kopu inclinacionem cum fidelissimo famulatu. Receptis litteris Serenitatis uestre mandatum vestrum exsequi uolui in hac parte, quod iuxta consuetudinem Regni approbatam possessionem magistri Herbordy Ilmeuch uocatam ad me, videlicet ad communem manum recipere uolui, medio tempore, donec ordine iudiciario inter ipsum magistrum Herbordum, et Prepositum Castri ferrei discuteretur, sed ad litteras Maiestatis uestre, magistro Johanni et dicto Preposito exhibitas, ijdem dictam possessionem remittere non curarunt, prouentibus et vtilitatibus eiusdem perceptis in preiudicium magistri Herbordy memorati, quamuis sit de iure possessio magistri Herbordy, sicut in litteris priuilegialibus exinde confectis inspexi, et cornstitit michi euidencius. Vnde constat in clemencia uestre Maiestatis, quid inde sit agendum.

Kivülről: Domino Regi.

(A gróf Teleki család magyarországi ágának levéltárából Gyömrőn. Közli Szabó Károly.)