(A)ndreas Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex omnibus presentem paginam inspecturis salutem in omnium saluatore. Ad uniuersorum noticiam harum serie volumus peruenire, quod discretus uir magister Haab Prepositus et Capitulum Ecclesie Posoniensis fideles nostri, ad nostram accedentes presenciam, exhibuerunt nobis duo paria priuilegiorum domini Ladizlay clare memorie Illustris Regis Hungarie, patruelis nostri karissimi, vnum scilicet super donacione quarumdam terrarum Zelench et Flecendorf uocatarum, per eundem dominum Ladizlaum Regem Ecclesie Sancti Saluatoris de Posonio facta, aliud par super collacione cuiusdam terre similiter Zelench nuncupate; petentes a nostra Maiestate cum instancia, vt donacionem de predictis terris, ipsi Ecclesie Sancti Saluatoris factam, ratam habere et eadem priuilegia nostro dignaremur priuilegio confirmare. Quorum quidem priuilegiorum vnius tenor talis est:
Ladizlaus Stb. (Lásd Fejér Cod. Dipl. V. köt. 2. r. 521. l. hol azonban hibásan tétetik 1279 évre.)
Item alterius priuilegij forma talis est:
Ladislaus stb. (Lásd felebb Okmánytárunk IV. kötetében 214. l.)
(N)os igitur peticionem dictorum Prepositi et Capituli Posoniensis considerantes fore legitimam et consentaneam racioni, et ea, que per ipsum dominum Ladislaum Regem patruelem nostrum, intuitu pietatis prefate Ecclesie Posoniensis data et collata extiterunt, rata habentes, et nichilominus (így) approbantes, predicta priuilegia de uerbo ad uerbum presentibus inseri faciendo, de Prelatorum et Baronum nostrorum, qui presentes aderant, consilio, duximus confirmanda, ita, quod presens nostra ratihabicio et confirmacio, prioris donacionis irreuocabile et perpetuum sit munimen. Volentes et edicto Regio, perpetuo duraturo, concedentes, quod prenotatas terras, cum earum vtilitatibus et pertinencijs vniuersis, memorati Prepositus et Capitulum Posoniensis Ecclesie perpetuo possideant pacifice et quiete. In cuius rei memoriam et perpetuam firmiatatem presentes concessimus litteras, duplicis sigilli nostri munimine roboratas. Datum per manus honorabilis et discreti viri magistri Theodori Prepositi Albensis aule nostre Vice-Cancellarij, dilecti et fidelis nostri, anno Domini Mş CCş nonagesimo primo, Regni autem nostri anno secundo.
(Hártya. A pecsét vöröszöld selymen függött. Pozsonykáptalani magánlevéltár, Capsa C. Fasc. 6. Nr. 65. Knauz.)