Andreas Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus etc., quod Omodeus Palatinus de genere Aba - - - exhibuit nostre Regie Maiestati privilegium domini Inclyti Regis Ladizlai, carissimi patruelis fratris nostri, in quibus vidimus contineri; quod idem Omodeus post obitum domini Incliti Regis Stephani, cum adhuc dominus Rex Ladislaus propter puerilem etatem non posset ad plenum tam late patentis Regni climata gubernare, multisque calamitatibus et pressuris, presertim prelijs intestinis ipsum Regnum Hungarie passim sine delectu quolibet vastaretur, idem Omodeus Palatinus pro sublimitate Regalis culminis et honore Corone diuersis discriminibus et preliis se obiecerit pluries cum suorum multitudine bellatorum, inter que promiscua fati discrimina idem Omodeus Palatinus - - percisionem sui digiti auricularis manus dextere excepit fortirer dimicando contra Othocarum Regem Boemie in expedicione generali gloriosi certaminis victorie fideliter assistendo, vbi dictus Rex Boemie extitit interemptus. Ad hec, cum vniversitas Cumanorum infidelitatis versuciam obrepsisset contra ipsum Regem, tocius sue potencie seuiciam hostilitate barbarica excitando, ipso Omodeo Palatino Maiestati Regie adherendo, superna Dei misricordia felici victoria dissecavit pariter et contriuit immensam barbaricam feritatem, captis ex eisdem plurimis et occisis, reliquis omnibus extra Regni confinia fuge presidio se reinfferentibus, sicut temporalis opportunitas suppetebat. Insuper cum perfida gens Tartarica Regnum Hungarie cum omni milicia ipsorum introisset, vastus, incendia, depredaciones orribiles, sicut moris ipsorum est, committendo, idem Omodeus Palatinus contra eosdem Tartaros insurgendo, multos ex ipsis ore gladii interemit, et quamplures captivos liberavit, ac in signum victorie decem capita Principum de ipsa gente perfida ipsi Regi Ladislao presentavit. Nobis eciam post obitum eiusdem Ladislai Regis Inclyti, patruelis fratris nostri, succedentibus eviterno jure et ordine geniture, idem Omodeus Palatinus cum tota societate ac cognacione sua tante fidelitatis auspiciis studuit adherere, que explicare per singula longum esset - - eciam omnes suas possessiones tam hereditarias quam aquisitas, vna cum municionibus et castris nostris duxerit manibus liberaliter offerendas nostre Celsitudinis arbitrio disponendas, in ipsius et heredum suorum personis, pro insignibus suis actibus gratificandas ad plenum, vel alias nostris disposicionibus reservandas, tanto fidelitatis ardore nobiscum inter ipsa novitatis inicia procedendo, ut multa castra, multasque municiones, que maximis poterant laboribus et sudoribus optineri, sua cautela et industria de facili nostre sunt reddita dicioni. Igitur et tantis eius virtutibus recensitis de consilio venerabilium patrum Lodomerij Dei gracia Strigoniensis, Johannis Colocensis Archiepiscoporum, Andree Agriensis, Pasce Nitriensis Episcoporum, necnon aliorum Procerum et Baronum, ac Consiliariorum Regni nostri uniuersas possessiones tempore eiusdem Regis Ladislai tam insignibus prelijs acquisitas, videlicet possessionem seu Comitatum Vng vocitatum etc., eidem Omodeo Palatino et per eum suis heredibus - - duximus - - confirmandas - - -. In cuius rei memoriam - - - presentes concessimus litteras duplicis sigilli nostri munimine roboratas; sigillis nichilominus eorundem patrum venerabilium ad vberiorem rei cautelam presentibus interpositis et adjunctis. Datum per manus discreti viri magistri Theodori Prepositi Albensis Ecclesie, aule nostre Vice-Cancellarij, 4dilecti et fidelis nostri, anno Domini Mş CCş nonagesimo, Regni autem nostri anno primo.
(Az eredeti után. Czeh.)