Urbanus Episcopus etc. dilecto filio Eventio presbitero, Canonico Zagrabienai, salutem etc. Que de Sedis Apostolice auctoritate procedunt, sue debent firmitatis robore muniri, ut et futuris temporibus valeant illibata consistere, et optata de illis possit utilitas provenire. Sane tua nobis exhibit a petitio continebat, quod cum nos venerabili fratri nostro S(tephano) Penestrino Episcopo conferendi per se, vel per alium personis idoneis beneficia ecclesiastica, personatus et dignitates cum cura et sine cura, que venerabilis frater noster Timotheus Zagrabiensis Episcopus promotionis sue tempore in Regno Ungarie obtinebat, ac faciendi personas ipsas ad beneficia huiusmodi, si in Ecclesiis collegatis existerent, in canonicos recipi et in fratres, nec non contradictores per censuram ecclesiasticam appellatione postposita compescendi, liberam concessissemus per nostras litteras facultatem, demum idem Episeopus Prenestinus tibi Capellano auo auctoritate litterarum ipsarum canonicatum et prebendam, quos dictus Episcopus Zagrabiensis tempore sue promotionis in Zagrabiensi Ecclesia obtinuerat, per huiusmodi promotionem iamdicti Episcopi Zagrabiensis vacantes, cum domibus, curia, et omnibus iuribus, et pertinentiis suis contulit, et de ipsis providit, teque presentialiter investivit per suum annulum de eisdem; decernens irritum et inane, si secus de canonicatu et prebenda huiusmodi quavis auctoritate contingeret per aliquem attemptari, prout in publico instrumento confecto exinde, ac sigillo ipsius Episcopi Penestrini signato plenius continetur. Nos itaque tuis supplicationibus inclinati, quod ab eodem Episcopo Prenestino super premissis factum est, ratum et firmum habentes, id auctoritate Apostolica coufirmamus stb. communimus. Tenorem autem ipsins instrumenti de verbo ad verbum presentibus fecimus annotari: qui talis est.
Stephanus stb. (István bibornokpüspök határozata következik alább 76. sz. a.)
Nulli ergo etc. nostre confirmationis etc. Datum apud Urbem Veterem XVII. Kal. Februarii. Pontificatus nostri anno tertio.
(IV. Orbán pápa Regestáiból, Theiner id. m. I. h. 260. l.)